منتديات عاصفة الصحراء



 
الرئيسيةالبوابةس .و .جالاعلاناتالتسجيلدخول

شاطر | 
 

  طلاب الجامعات!!

اذهب الى الأسفل 
كاتب الموضوعرسالة
احلام شاعر



الجنس : انثى
عدد المساهمات : 18
السٌّمعَة : 0
تاريخ التسجيل : 02/02/2010
محل الاقامه : fc

مُساهمةموضوع: طلاب الجامعات!!   الجمعة يوليو 02, 2010 12:44 pm

بس بلا فضايح

طلاب الجامعات



بعض ما رايت بالجامعات لعنا حبيت انقلكم بعض المظااااااااهر
حبيت اشوف راييكم فيه


يمكن بضحك بس يعني كمحاوله اولى



بدكم تعرفو شو بعملوا البنات والشباب في الجامعة اذا خلصت المحاضرة وما بعد المحاضرة؟؟؟؟؟؟؟



والصراحة بدهاش الامور تفكير ,
لانه مبين الوضع صاير متل العمى

..خلوني ابدا بالبنات ..

اول ما تخلص المحاضرة و يطلع الدكتور ..
اول شغلة بتشوفوا شلة بنات داخلين الحمام يوخذوا دش ههههه قصدي يزبطوا شعرهم ويعدلو المكياج ..
وحدة منهم بتقعد تخرف عن اخوها الزغير والثانية عن جارهم والثالثة عن اللي كان جنبها الي شاعرة انه بلمحلها بحواجبه بتفكر انه بحبها
, والله وصار للحواجب واجب ..
و كل وحدة بتجيب معها شنطة مليانة اكل وشوكلاتة او بتروح تشتري من الكفتيريا
, واذا عزمت عليها صاحبتها شبس اوبسكوت ,
بتصير تقول "لا شكرا شكرا عاملة ريجيم لا عنجد شكرا "
وعاد اول ما تنفرد بالشنطة ما بتخلي فيها اشي وبجوز توكل الدفاتر من الجوع..
وفي بنات قال يعني هذول الذكيات الي عاملات حالهن بنات المستقبل ,
بتلاقيهن هاجمات على مكاتب المدرسين بدهن الاستاذ يشرحلهن سؤال بشكل واضح و مليح وعاد الاستاذ نفسه ما بكون فاهم اشي وبفرجيهن انه مبسوط منهن لانهن جايات على مكتبه حرام يفشلهن
و من الاساتذة يبقى يشرحلهن وهو عاد بعقله بكون يقول وينتا بدي اشفط هالسيجارة عاد ...
و في بعض البنات بتشوفوهن قاعدات عن الدرج وقال قاعدات بحلين رياضيات ,
وخايفات المستقبل يهرب اورقم من الارقام ينحذف من العداد فبدهن يلحقن حالهن ,
و بدهن يوكلن الكتب اكل ولّ شوهاد..



وأجا دور الشباب ..

الواحد منهم أول ما يفوت على المحاضرة بصير يدعي على اليوم إلي فات فيه على الجامعة لأنه مش نايم مزبوط ..
وبالمحاضرة بتلاقي اللي نايم طووووووول المحاضرة و أول ما يخلص وقت المحاضرة بقولوا "يعطيك العافية استاز" يعني بالمشرمحي و رجينا عرض كتافك........
و منهم بطلع قبل ما تنتهي المحاضرة و بروح يوكل ساندويش فلافل و حمص و هو بطريقه بعزم على اصحابه اللي موجودين بمحاضرات تانية و هم عاد ما بصدقوا...
و بتلاقي واحد جاعص على المقعد بالساحة ومستني حبيبة قلبه تمرق عنه عشان يشوفها , بضحكلها وبتضحكلو ..
وقال الاشي اللي ادهى من هيك انه اصحابه لما بشوفوها قبله , بصيروا يأشرولوا اجت اجت ..
قال يعني زي الي كاتب كتابه عليها ..
او يعني يجهز حاله خليه يبدا يرخي بمشاعره و يزبط حاله

" اتمنى ان تكون قد نالت اعجابكم "
الرجوع الى أعلى الصفحة اذهب الى الأسفل
 
طلاب الجامعات!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عاصفة الصحراء :: الفئات الترفيهي :: قسم التماسيح والسحالي-
انتقل الى: